რა ღირს და უფასო პერიოდი აქვს?
რეგისტრაცია უფასოა და საცდელი პერიოდი 14 დღეა — ბარათი არ სჭირდება. შემდეგ გეგმას ირჩევ ფილიალებისა და მომხმარებლების რაოდენობის მიხედვით. ფასები ამავე გვერდზეა, „ტარიფების“ სექციაში.
RS.GE-სთან მუშაობს? ზედნადებებს იღებს და აგზავნის?
დიახ, პირდაპირ. მიღებულ ზედნადებს RS.GE-დან ჩამოტვირთავ და ხაზობრივად შეიყვან — ხელით აკრეფა არ სჭირდება. გაყიდვიდან, დისტრიბუციიდან და ფილიალთაშორისი გადაზიდვიდან ზედნადებს პროგრამიდანვე გააგზავნი. აქვე მოწმდება მყიდველის საიდენტიფიკაციო ნომერი.
ინტერნეტი თუ გაითიშა, სალარო გაჩერდება?
არა. სალარო ოფლაინაც აგრძელებს მუშაობას — გაყიდვები ლოკალურად ინახება და კავშირის აღდგენისთანავე თვითონ სინქრონდება. მოლარეს არაფრის გაკეთება არ სჭირდება.
რამდენი ფილიალი და მომხმარებელი შეიძლება?
შეზღუდვა გეგმაზეა დამოკიდებული — ერთი ფილიალიდან რამდენიმე ათეულამდე. ყველა ფილიალი ერთ სისტემაშია: ნაშთი, გადაზიდვა და ანგარიშები საერთო ჭრილში ჩანს. თითო თანამშრომელს ცალკე უფლებები აქვს — მოლარე ანგარიშებს ვერ ნახავს, თუ არ დაურთე.
ფისკალურ აპარატთან და ბანკის ტერმინალთან მუშაობს?
დიახ. ბანკის ბარათის ტერმინალი და ფისკალური აპარატი პირდაპირ სალაროდან იმართება — თანხა ტერმინალზე თვითონ გადადის და ჩეკიც იქვე იბეჭდება, ხელით აკრეფის გარეშე.
რესტორნისთვისაც გამოდგება თუ მხოლოდ მაღაზიისთვის?
ორივესთვის. რესტორნის რეჟიმში დარბაზის რუკა და მაგიდებია, სამზარეულოს ეკრანი, კერძის კურსები და მოდიფიკატორები, ანგარიშის გაყოფა და ჩაი. მაღაზიის რეჟიმში — ჩვეულებრივი სალარო შტრიხკოდით და სასწორით. რომელი რეჟიმია, ფილიალზე ირჩევა.
მონაცემების სხვა პროგრამიდან გადმოტანა შესაძლებელია?
დიახ. პროდუქციის ბაზა Excel-ით ან CSV-ით შემოგვაქვს — დასახელება, შტრიხკოდი, ფასები, ნაშთი. დანერგვისას ამაში ჩვენ დაგეხმარებით.
რას არ აკეთებს GTSoft?
GTSoft არ არის საბუღალტრო პროგრამა: არ ითვლის ხელფასებს, არ აწარმოებს საგადასახადო დეკლარაციებს და ორმაგ გატარებას არ აკეთებს. ის ფარავს სავაჭრო ოპერაციას — გაყიდვას, საწყობს, მიღებას, წარმოებას, დისტრიბუციას და ამ მონაცემების ანგარიშგებას.
